GAME 7: RAPTORS - CELTICS
Boston dërgon kampionin në shtëpi, kualifikohet në finale
12 September, 2020 @10:16
Boston Celtics e mposhti Toronto Raptorsin në ndeshjen e shtatë të serisë gjysmëfinale të Konferencës Lindore me rezultat 87-92 dhe u kualifikua në finale të Konferencës.
Mbrojtja e fortë e Bostonit, sidomos në çerekun e fundit, bëri që kampioni aktual i NBA-së, Toronto Raptors, ta shikojë vazhdimin e Play Offit nga shtëpia.
Te Celtics në këtë ndeshje shkëlqeu Jayson Tatum me 29 pikë, 12 kërcime e 7 asistime, derisa mori ndihmë edhe nga Jaylen Brown prej 21 pikëve e 8 kërcimeve.
Te Toronto koshashënuesi më i mirë ishte Fred VanVleet me 20 pikë.
Boston Celtics në finale të Konferencës Lindore do të takohet me Miami Heatin. Ndeshja e parë e serisë finale do të luhet më 16 shtator.
