GAME 1: RAPTORS - CELTICS
Bostoni me dominim total ndaj kampionit
30 August, 2020 @23:10
Skuadra e Bostonit me lehtësi e mposhti kampionin aktual Toronto Raptors me rezultat 94-112, në kuadër të ndeshjes së parë gjysmëfinale të Konferencës Lindore.
Celtics nuk ishte në disavantazh në asnjë minutë gjatë ndeshjes dhe me dominim total kaloi 1-0 në epërsi.
Gjashtë lojtarë te keltët luajtën me pikë dyshifrore, prej tyre u dalluan Jayson Tatum me 21 pikë e 9 kërcime, Marcus Smart me 21 pikë e 6 kërcime dhe Kemba Walker me double-double prej 18 pikëve e 10 asistimeve.
Te Raptors më i miri ishte Kyle Lowry me 17 pikë, 8 asistime e 6 kërcime.
Ndeshja e dytë e serisë do të luhet më 1 shtator në ora 23:30.