Dardan Berisha fantastik, Prishtina fiton dhe merr kreun

Nën udhëheqjen e Dardan Berishës, Prishtina ka shënuar fitore ndaj Yllit në ndeshjen përmbyllëse të xhiros XXIII në Superligë.

Prishtina takimin e sontëm e fitoi me rezultat 74-54, rezultat që e çon në krye të renditjes Prishtinën dhe njëkohësisht ia jep kryeqytetasve epërsinë ndaj Yllit në përballjet direkte këtë sezon.

Çereku i parë ishte më i barabartë dhe u mbyll 21-19 për Prishtinën, kurse skuadra e drejtuar nga turku Kandemir dominoi bindshëm në çerekun e dytë (25-11) dhe kështu në pushim mes pjesëve shkoi me epërsi 16 pikëshe, 46-30 pas 20 minutave lojë.

TABELA AKTUALE

10-minutëshi i tretë kaloi me pak pikë të shënuara dhe ishte plotësisht i barabartë (14-14), e më pas i fundit përfundoi 14-10 për Prishtinën, për përfundimtaren 74-54.

27 pikë (6 trepikësha) shënoi sonte Dardan Berisha, duke qenë dukshëm më i miri në parket. Pikë dyshifrore te Prishtina sonte patën edhe Dustin Thomas (11) e Jan Palokaj (10).

Te Ylli, më së shumti pikë shënoi Gëzim Morina (11), i vetmi me pikë dyshifrore te kjo skuadrër.

Në 4 ndeshjet e luajtura mes tyre këtë sezon, Ylli ka 2 fitore (68-86 dhe 71-51) dhe Prishtina ka 2 fitore (56-77 dhe 74-54). Në koshdallimin në përballjet direkte mes tyre, prin Prishtina me koshdallim +3 ndaj Yllit dhe nëse skuadrat e mbyllin sezonin me pikë të barabarta, përparësia në renditje i takon Prishtinës për shkak të koshdallimit më të mirë në përballjet direkte, pasi që rezultati në përballjet direkte është 2-2.

Xhiron që vjen, Prishtina i shkon Vëllaznimit në Gjakovë, kurse Ylli e pret Pejën në takimin që vë përballë skuadrat e renditura në vendet dy dhe tre.