DARDAN BERISHA
Dardan Berisha/ Foto: polfarmex official
Dardan Berisha ndahet nga Polfarmex Kutno
21 January, 2017 @15:44
Basketbollisti më i mirë i Kosovës, Dardan Berisha, nuk është më pjesë e ekipit elit polak, Polfarmex Kutno. Njoftimin për këtë e ka dhënë sot Koha Ditore, ndërsa vetë lojtari ka thënë se rezultatet e dobëta dhe problemet brenda dhe jashtë ekipit kanë qenë arsye kryesore për ndarje.
Berisha ka qenë lider i këtij ekipi gjatë pjesës vjeshtore të kampionatit polak, duke luajtur me 15.9 pikë si mesatare. Polfarmex Kutno aktualisht është në vend të 15 të elitës polake, që numëron 17 skuadra.
Dardan Berisha sipas rregulloreve aktuale nuk ka të drejtë të luajë në Kosovë, pasi që afati kalimtar ka përfunduar, për lojtarët vendorë.
