SHQIP NË BOTË
Dardani në Eurobasket 2015
19 August, 2015 @8:23
Basketbollisti më i mirë i Superligës së Kosovës në tre stinorët e fundit, Dardan Berisha, është përzgjedhur përfundimisht për Eurobasket 2015 me reprezentacionin e Polonisë.
Trajneri i Polonisë, Mike Taylor, ka larguar nga ekipi Adam Hrycaniukun dhe tashmë 12-shja e Polonisë është gati për tu përballur me rivalët në Europianin që do të mbahet në 4 shtete.
Polonia bën pjesë në Grupin A të Eurobasketit dhe rivalë të grupit ka Rusinë, Bosnjen, Francën, Finlandën dhe Izraelin.
Ndeshjen e parë Polonia do ta zhvillojë ndaj Bosnjes më 5 shtator 2015.
Dardan Berisha ka kaluar të gjitha fazat testuese nga trajneri amerikan duke arritur një vend në reprezentacionin polak. Taylor kishte eliminuar së pari 3 basketbollistë, ndërsa në fazën tjetër edhe një tjetër për të krijuar 12-shen përfundimtare.
