Dardani te Cedevita

Dardan Berisha, basketbollisti më i mirë i stinorit në Superligën e Kosovës, mund të kalojë te nënkampioni i Kroacisë, Cedevita. 

Kështu kanë bërë të ditur burimet e Borozani.com të afërta me klubin kroat, duke treguar se ai është në prova te kjo skuadër dhe se disa ditë është në stërvitje të rregullta me këtë skuadër. Bile, ai është shumë afër marrëveshjes me klubin me renome nga Zagrebi. 

Cedevita është njëra ndër skuadrat më serioze në Kroaci. Ajo ka përfunduar në vendin e tretë në stinorin e fundit, ndërsa është mposhtur nga Zara në gjysmëfinale të Play-Offit në stinorin e kaluar 2-1 pas tre ndeshjeve. 

Përafrimi i Dardanit me këtë klub është i realizueshëm edhe për një arsye tjetër, pasi që supermeni pejan ka nënshtetësi kroate nga koha kur ka qëndruar si i ri në Cibonë, prandaj do të llogaritet si lojtar vendor atje. 

Cedevita do të jetë pjesëmarrëse e Eurocupit 2013/14, pasi që ka përfunduar e gjashta në ABA ligë, me bilanc 15 fitore dhe 11 humbje. Klubi zagrebas udhëhiqet nga trajneri shumë i vlerësuar kroat, Jasmin Repesa. 

Berisha pat befasuar opinionin me kthimin e tij në Kosovë stinorin e kaluar. Ai ka qenë arsyeja kryesore që Peja u shpallë kampione e Kosovës për herë të parë pas vitit 2004.