Debutoi me fitore te Bashkimi

Darrell Lampley debutoi mbrëmë në Superligën e Kosovës në basketboll për Bashkimin. Ai ia nisi me fitore në Superligë në ndeshjen e prizreansve ndaj RTV 21. 

Trajneri i portokallëve, Edin Kërveshi, i dha atij hapërisë të konsiderueshme duke e lënë në ndeshje për 28 minuta e 45 sekonda në fitoren e rëndësishme të Bashkimit, të arritur krejt në fund të takimit. 

Lampley që nuk kishte minutazhë të madhe te Teodoja e Tivatit, prej nga erdhi në Bashkimi, ka arritur të shënojë 12 pikë bashkë me 3 asistime si dhe një top të vjedhur. 

Bashkimi për herë të parë ka ndërruar të huajin këtë stinor, pas largimit të amerikanit Justin Cecil për shkak të problemeve familjare.