VËLLAZNIMI
Deondre Ray lojtar i ri te Vëllaznimi, debuton ndaj Bashkimit
24 January, 2021 @16:19
Para pak çastesh dhe pak para duelit ndaj Bashkimit, Vëllaznimi ka zyrtarizuar playmakerin e ri të skuadrës, Deondre Ray.
Basketbollisti amerikan që vjen nga Teksasi i SHBA-së, së fundi ka qenë pjesë e ekipit sllovak Rieker, ndërsa është 196cm i gjatë dhe mund të luajë në pozitat 1-2 e edhe 3.
Ray, që do të debutojë sonte ndaj Bashkimit në duelin që Vëllaznimi e luan në Sezai Surroi, së fundi ka pasur statistika prej 34 minutash për ndeshje mesatarisht te MBK Rieker sllovak, ku ka shënuar 13.4 pikë për ndeshje, 2 asistime për ndeshje dhe 5 kërcime për ndeshje.
Më parë, Ray ka luajtur edhe në ligën rumune të basketbollit, pasi që ka dalë nga kolegji Cameron i SHBA-së.