Derbi në Prizren

Një ‘dridhje’ e vogël e Superligës së Kosovës me lëshimin e garave nga Drita e Besa kaloi pa problem. Skuadrat e dobëta financiarisht kanë vazhduar garat dhe janë në lojë ende. 

Kështu, sot është bërë përcaktimi i orarit dhe datave për ndeshjet e mesjavës në basketboll ku veçohen dy derbi - prej të cilave Bashkimi-RTV 21 pritet të jetë më e zjarrtë, derisa Sigal Prishtina - Trepça besohet se nuk do të sjellë atë rivalitet të lartë për shkak të fuqisë së madhe prishtinase me angazhimin në Balkan League - edhe pse Trepça di të befasojë. 

Peja pret fitore ndaj ekipit që befasoi shumëkë në kampionat, Dritës. Pejanët kanë pësuar vetëm një humbje në kampionat, si Drita, mirëpo ata vuajnë për sukses në Balkan League - e pasi që këtë javë janë të lirë nga ndeshjet ndërkombëtare do të tentojnë që të komponohen sa më mirë. 

Por, derbi i javës luhet në Prizren. Bashkimi dhe RTV 21 që nuk kanë arritur të fitojnë asnjë ekip të madh deri më tani, do të kenë rastin që nesër mbrëma t’i gëzohen një fitoreje të madhe. 

Cila do ta arrijë këtë? 

Bashkimi që sa po shkon koha po bëhet edhe më i mirë, pasi që nuk po ka fare luhatje në ekip. Të huajt janë stabilizuar dhe po kombinohen gjithnjë e më mirë. 

Apo RTV 21 me transferin më të mirë të stinorit, Arben Krasniqin trajner. Sezai Surroi do të jetë vend ku Krasniqi do të debutojë dhe dyshja e huaj e ardhur së fundi te Teleboysat, Keith Gabriel dhe Tray Hampton, kanë treguar që janë tejet të rrezikshëm. 

Ndeshjet Sigal Prishtina - Trepça dhe Besa - Kastrioti luhen të enjten. Ndeshja Besa-Kastrioti do të jetë derbi i të ardhurve në Superligë nga Liga e Parë. Derisa Besa nuk ka asnjë fitore këtë stinor, Kastrioti ka ditur të befasojë Trepçën në xhiron e parë. 

Pejanët e rinj do të kërkojnë fitoren e parë si anëtare të Superligës, derisa Kastrioti do të tentojë të kthehet në Ferizaj me fitore duke u bazuar tërësisht te basketbollistët e pesëshes së parë. 

Tabela duket kështu para xhiros së VI

SUPERLIGA, XHIROJA VI, Orari: