S’ka lojtarë vendorë

Arben Krasniqi, trajneri më i trofeshëm kosovar në basketboll, në një bisedë me të përditshmen Koha Ditore ka thënë se basketbolli kosovar ka humbur në vitet e fundit. 

“Nuk kemi lojtarë vendorë. Ende ekipet po varen nga një gjeneratë e vjetër e lojtarëve,” ka thënë ndër të tjera Krasniqi i cili ditë më parë morri udhëheqjen e ekipit të RTV 21. 

Krasniqi është dalluar me punën e bërë me basketbollistë vendorë në Sigal Prishtinë, duke e rritur një gjeneratë lojtarësh të cilët janë ende bartës të cilësisë në vend, sa i përket lojtarëve vendor. 

Krasniqi te RTV 21 erdhi pas tetë muajsh pushim, ndërsa ai përsëri nuk ka pranuar të flasë më shumë për arsyet e largimit nga Sigal Prishtina, duke thënë se ka qenë i lodhur nga presioni i madh. 

Ai do të debutojë për RTV 21-shin që në mesjavë në ndeshje ndaj Bashkimit në Prizren.