Dështon Prishtina

Ndeshja e fundit grupore në FIBA Europe Cup e Sigal Prishtinës, njëkohësisht u bë edhe humbje e parë e bardhekaltërve para tifozëve të vetë në FIBA Europe Cup.

Ekipi i Marjan Ilievskit, për të cilin fitorja ishte e domosdoshme në mënyrë që të vazhdojë ëndrra në këtë garë, u mposht nga ekipi qipriot, AEK Larnaca.

Mbrojtja e dobët sidomos në çerekun e parë, ku u pranuan plotë 27 pikë, ishte një nga arsyet kryesore të humbjes, pasi që mysafirët krijuan shpejtë epërsi dyshifrore, dhe arritën ta mbajnë ate deri në fund të takimit.

Prishtina morri hov në çerekun e tretë, falë shënimeve të Edmond Azemit dhe Dardan Berishës, duke hyrë në cerekun e fundit me vetëm -6 pikë disavantazh (56-62), mirëpo mysafirët falë përvojës të qendrës gjigante Primoz Brecez dhe efikasitetit të Thaddus McFadden, nuk lejuan që të ndodh përmbysja e rezultatit dhe në fund rezultati përfundimtar doli të jetë 70-83 në të mirë të qipriotëve.

Dardan Berisha edhe në këtë ndeshje ishte koshashënuesi më i mirë te Prishtina me 23 pikë, kurse te AEK-u, McFadden shkëlqeu me 29 pikë, derisa Brezec realizoi double-double prej 22 pikë e 12 kërcimeve.

Me këtë humbje, Sigal Prishtina e përfundoi fazën grupore me 2 fitore dhe 4 humbje, dhe renditet në pozitën e tretë me një ndeshje më shumë se Astana, por për shkak të koshaverashit më të mirë të Astanas në ndeshjet e ndërmjetme, pavarësisht rezultatit në ndeshjen e fundit, ekipi kazak do të renditet para Sigal Prishtinës, e cila nuk ka asnjë gjasë për kualifikim.

TABELA AKTUALE E GRUPIT K

Statistikat individuale te Sigal Prishtina

Statistikat individuale te AEK Larnaca