Drita e fortë për Besën

Dueli i dy skuadrave të cilat po luftojnë për një vend në playoff, Drita dhe Besa, ka përfunduar me fitoren e ekipit nga qyteti i Gjilanit.

Gjilanasit të udhëhequr nga amerikanët Shamar Coombs dhe Chris Ware, e mposhtën Besën me rezultat 85-71.

Skuadra e Dritës në të shumtën e kohës ishte në epërsi, duke mos lënë gati fare në dyshim fituesin e takimit.

Tek ekipi i Besës Arian Qallaku shkëlqeu me plot 32 pikë, por paraqitja e tij mbreslënëse nuk mundi ta parandaloj humbjen e pejanëve.

Me këtë fitore Drita e tejkalon Besën në radhitjen tabelare dhe tani gjendet në pozitën e pestë me 7 fitore e 9 humbje, ndërsa Besa ka një fitore më pak dhe bie në pozitën e gjashtë.

Rezultatet dhe tabela aktuale.