Peja fluturon në çerekun e fundit

Ndeshja e vetme e ditës së premte në Superligë ku u përballën kampionja aktuale, Peja, me ish kampionen, Trepçën, përfundoi me fitoren e skuadrës pejane, e cila festoi para shikuesve të saj në palestrën Karagaçi.

Qendra spanjolle Trepçës, Jan Orfila, i cili nuk luajti në ndeshjen e kaluar për shkak të disa problemeve me klubin, e nisi takimin në pesëshen e parë.

Në çerekun e parë Peja u tregua dominuese duke krijuar një seri prej 14-0, kur nga disavantazhi 2-5 kaloi në epërsi prej 11 pikëve (16-5).

Epërsinë e krijuar në çerekun e parë, verdhezinjtë e ruajtën edhe në çerekun e dytë, duke e mbajtur ate në shumicën e kohës në pikë dyshifrore, për të përfunduar pjesa e parë me rezultat 42-27.

Me pikët e Fred House në fillim të gjysmëlojës së dytë, Peja e krijoi epërsinë më të thellë deri në ato momente prej 17 pikëve, pranë rezultatit 44-27.

Mirëpo më pas në fund të çerekut të tretë kjo epërsi u shkri nga ana e mitrovicasve deri në 10 pikë falë efikasitetit të dyshes spanjolle Calvo - Orfila, të cilët i shënuan 15 pikë së bashku gjatë kësaj periudhe, duke e vënë kështu në dyshim fituesin e ndeshjes para fillimit të çerekut të katërt.

Por ashtu nuk ndodhi, pasi pejanët i ‘ndezën motorët’ pikërisht në periudhën e fundit me një seri prej 20-0, duke e siguruar fitoren e 13 me radhë dhe fitoren e 15 në përgjithësi në ETC Superligë.

Koshashënuesi më i mirë në ndeshje ishte Alvaro Calvo i Trepçës me 28 pikë, derisa te fituesit u dallua Samir Shaptahovic me 23 sosh.

Nesër do të luhen edhe tre ndeshjet tjera të mbetura të Superligës, ku do të takohen Drita - Besa, Bashkimi - Prishtina dhe RTV 21 - Kastrioti.

Rezultatet dhe tabela aktuale.

Statistikat ekipore

	PEJA	TREPÇA
Çereku i parë	17	12
Çereku i dytë	25	15
Çereku i tretë	17	22
Çereku i katërt	26	16
Kërcime në mbrojtje	23	17
Kërcime në sulm	14	3
Gjithsej kërcime	37	20
Asistime	20	15
Bllokada	1	-
Topat e vjedhur	12	7
Topat e humbur	17	18
Tentime për tre pikë	3/15	4/16
Tentime nga loja	29/62	24/55
Tentime nga gjuajtjet e lira	24/32	13/19

Statistikat individuale te Peja

1	Samir Shaptahovic	23 pikë	6 asistime	5 kërcime
2	George Oduwufa	15 pikë	4 kërcime
3	Fred House	14 pikë	6 kërcime	5 asistime
4	Teo Simovic	14 pikë	4 kërcime	1 asistim
5	Mario Edwards	6 pikë	7 kërcime	2 asistime
6	Gerti Shima	6 pikë	6 kërcime	2 asistime
7	Drilon Hajrizi	4 pikë	3 kërcime	3 asistime
8	Ersid Ljuca	1 piikë	1 kërcim
9	Rron Grapci	1 pikë	1 kërcim
10	Erris Nushi	1 pikë

Statistikat individuale te Trepça

1	Alvaro Calvo	28 pikë	7 kërcime	1 asistim
2	Jan Orfila	12 pikë	6 kërcime	1 asistim
3	Besnik Azemi	11 pikë	1 kërcim	1 asistim
4	Imer Tahiri	8 pikë	3 kërcime	3 asistime
5	Hekuran Binxhija	4 pikë	5 asistime	1 kërcim
6	Valdrin Haxhiu	2 pikë	3 asistime	1 kërcim