BIBL
Pamje nga një ndeshje e mëhershme ndërmjet Teodos dhe Kumanovës/ Balkanleague.net
Teodo me fitoren e pestë me radhë
27 February, 2014 @20:26
Skuadra e cila javë më parë ishte e fundit në radhitjen tabelare në Ligën Ballkanike, Teodo, ka harruar shijen e humbjes.
Ekipi nga Tivati sot ka regjistruar fitoren e dytë me radhë si mysafire dhe të pestën me radhë në përgjithësi duke e mposhtur Kumanovën me rezultat 92-108.
Më meritorët në fitoren e Teodos ishin Nikola Korac dhe Nikola Vucurovic, të cilët shënuan nga 25 pikë, derisa efikasiteti i lartë i Vukasin Mandicit të Kumanovës prej 32 pikëve, ishte e pamjaftueshme për t’i shmangur humbjes.
Me këtë fitore Teodo tani ka bilanc prej 6 fitoreve e 8 humbjeve dhe është ngjitur në pozitën e tretë në BIBL, duke i bërë edhe më të paparashikueshme gjërat në këtë ligë.
Ndeshja e radhës në Balkan League do të luhet me 4 mars, ku do të përballen skuadrat kosovare Peja dhe Sigal Prishtina në palestrën e nxehtë në Karagaçi.
Rezultatet dhe tabela aktuale.
