Drita e pafuqishme, lehtë për Bashkimin

Fitore të lehtë ka shënuar skuadra e Bashkimit në ndeshjen e sotme ndaj Dritës nga Gjilani.

Ndeshja, që ishte e vlefshme për xhiron e shtatë të Superligës, u mbyll me rezultat 105-54 për prizrenasit.

Që nga çereku i parë, i cili përfundoi 22-10, Bashkimi kishte epërsi të konsiderueshme në rezultat dhe lehtë e menaxhoi ndeshjen, për të shkuar drejt fitores së katërt sezonale.

TABELA AKTUALE

Andi Shehu me 22 pikë dhe Valon Bunjaku me 21 pikë ishin koshashënuesit më të mirë te Bashkimi sonte, e te Drita, ku 4 lojtarë patën pikë dyshifrore, Bardh Jakupi shënoi më së shumti pikë, gjithsej 14.

Bilanci i Bashkimit pas 7 xhirove, ciklit të parë të ndeshjeve, është 4-3, kurse Drita e ka mbyllur ciklin e parë të sezonit pa asnjë fitore.

Xhiron që vjen, prizrenasit luajnë në shtëpi ndaj Pejës, kurse Drita i shkon Prishtinës.