Duhet të përmirësohemi

Trajneri i Trepçës, Neven Plantak, pas ndeshjes gjysmëfinale të Kupës së Kosovës kundër Pejës, pranoi se ekipi i tij ka përsëritur gabimet e njëjta sikurse në ndeshjet e mëparshme.

Ai në faqen zyrtare të Federatës së Basketbollit të Kosovës tha se skuadra e tij duhet të përmirësohet, derisa i ka uruar suksese Pejës në ndeshjen finale.

“Ashtu siç është pritur Peja ka hyr si favorite në këtë duel dhe me meritë ka fituar. Ne i bëmë disa gabime të njëjta që i kemi bërë në duelet e mëparshme me ta dhe tani na mbetet të përmirësohemi në mënyrë që të mos na ndodh e njëjta gjë. Pejës i dëshiroj suksese në finale,” tha Plantak.

Raporti i ndeshjes Peja - Trepça.

Trepça ishte mposhtur në gjysmëfinale nga Peja me rezultat të thellë 91-65.