E konfirmon trajneri, Grealish rikthehet ndaj Tottenham

Mesfushori anglez i Aston Villa, Jack Grealish, pritet të kthehet ndaj Tottenham më 21 mars. Lajmin e ka konfirmuar për Sky Sports trajneri Dean Smith. 

Fantazisti 25-vjeçar kishte munguar në disa ndeshje si pasojë e një lëndimi në stërvitje muajin e kaluar, duke qenë mungesë tepër e theksuar për ekipin e Aston Villa. Por, ai pritet të kthehet në ndeshjen kundër Tottenham që zhvillohet me 21 mars në kuadër të Premier League.

Aston Villa momentalisht renditet në vendin e 9 me 40 pikë, tre më pak se Liverpool që ka dy ndeshje më shumë.