Edhe 48 orë për të huajt

Në njoftimin e lëshuar mbrëmë, Federata e Basketbollit të Kosovës ka bërë të ditur se skuadrat e Superligës, të Ligës së Parë dhe ato të Ligës elite të femrave në basketboll do të mund të regjistrojnë basketbollistë të huaj në ekipe deri të enjten. 

Kështu, të gjitha skuadrat që mendojnë Play-Offin, mbijetesën dhe më tepër në kuadër të kategorive të përmendura do të mund të angazhojnë të huaj edhe në 48 orët e ardhshme, pasi që pas orës 16:00 të së enjtes, një gjë e tillë do të ndalet.

Aktualisht, të gjitha skuadrat e elitës së basketbollit kosovar kanë së paku nga një të huaj në ekip.