SEZAI SURROI
BOROZANI/ Lis Dorambari
Hysenagolli i tepërt për 21-shin
5 April, 2014 @21:17
Finalisti i Kupës së Kosovës është kthyer me fitore në Superligë. Skuadra e portokalltë nga Prizren arriti të shënoj fitore para tifozëve të saj duke e mposhtur ekipin nga kryeqyteti, RTV 21, me rezultat të thellë 92-72.
Bashkimi prej se e morri epërsinë në rezultat (17-16) gjatë çerekut të parë, deri në përfundim të ndeshjes nuk lejoi Teleboysat që ta përmbysin atë, madje pikërisht në përfundim të ndeshjes u arrit edhe epërsia më e thellë e Bashkimi prej 22 pikëve (92-70).
Për 21-shin debutuan dy basketbollistët amerikan të cilët u transferuan gjatë kësaj jave, Christopher Hyche dhe Grant Maxey. Këta dy ishin të vetmit që shënuan pikë dyshifrore te 21-shi, derisa më i dalluar ishte Maxey që luajti me 27 pikë e 6 kërcime.
Te ekipi fitues i shkëlqyeshëm ishte qendra tiranase, Endrit Hysenagolli, i cili gati sa nuk e përmbylli ndeshjen me efikasitet të qindpërqindtë. Ai nga 17 tentime nga loja ishte i saktë plot 15 herë, duke realizuar 33 pikë, derisa shtoi edhe dhjetë kërcime për të arritur shifrat double-double.
Kjo ishte fitorja e njëmbëdhjetë e Bashkimit në Superligë, ndërsa 21-shi mbeti në vetëm tre fitore, sikurse që ka edhe Kastrioti në pozitën e fundit në tabelë.
Rezultatet dhe tabela aktuale.
Statistikat ekipore
| BASHKIMI | RTV 21 | ||
| Çereku i parë | 28 | 22 | |
| Çereku i dytë | 17 | 16 | |
| Çereku i tretë | 25 | 18 | |
| Çereku i katërt | 22 | 16 | |
| Kërcime | 33 | 22 | |
| Asistime | 21 | 20 | |
| Bllokada | 6 | - | |
| Topa të vjedhur | 2 | 3 | |
| Topa të humbur | 10 | 7 | |
| Tentime për tre pikë | 8/18 | 5/17 | |
| Tentime nga loja | 38/64 | 30/68 | |
| Tentime nga gjuajtjet e lira | 8/10 | 7/17 |
Statistikat individuale te Bashkimi
| 1 | Endrit Hysenagolli | 33 pikë | 10 kërcime | 1 bllokadë |
| 2 | Darrell Lampley | 17 pikë | 6 asistime | |
| 3 | Rickey Young | 16 pikë | 8 kërcime | 4 asistime |
| 4 | Aaron Mitchell | 15 pikë | 7 kërcime | 5 asistime |
| 5 | Zjelko Jovanovic | 5 pikë | 2 kërcime | |
| 6 | Qëndrim Biraj | 4 pikë | 1 kërcime | 1 asistim |
| 7 | Valentin Spaqi | 2 pikë | 5 kërcime | 4 asistime |
Statistikat individuale te RTV 21
| 1 | Grant Maxey | 27 pikë | 6 kërcime | 3 asistime |
| 2 | Christopher Hyche | 17 pikë | 6 asistime | 2 kërcime |
| 3 | Leonard Mekaj | 9 pikë | 6 asistime | 3 kërcime |
| 4 | Jenirro Bush | 9 pikë | 2 kërcime | 1 asistim |
| 5 | Tyrell Timpson | 4 pikë | ||
| 6 | Mustafë Merovci | 2 pikë | 6 kërcime | 2 asistime |
| 7 | Ujkan Karanezi | 2 pikë | 2 kërcime | |
| 8 | Driton Bajrami | 2 pikë | 1 asistim |
