Trepça rival jo i denjë për Prishtinën

Rivalët e vjetër në basketbollin kosovar, Sigal Prishtina dhe Trepça, sot nuk janë treguar rival të denjë për njëra tjetrën, pasi që prishtinasit i mposhtën xehetarët me rezultat të thellë 102-58.

Dallimi në lojë u krijua që në çerekun e parë, të cilin Sigal Prishtina e përfundoi me 16 pikë epërsi, 30-14, ndërsa me ritëm të ngjashëm u luajt edhe çereku i dytë.

Në pjesën e dytë të ndeshjes ekipi i Marin Dokuzovskit, kryesisht falë efikasitetit të Wallerit dhe Hasanit nga trepikëshat, arriti ta mbaj gjatë gjithë kohës epërsinë në më tepër se 30 pikë.

Lojtari kryesor i Prishtinës, Dardan Berisha, nuk luajti fare në këtë ndeshje, derisa qendra letoneze, Andrejs Selakovs, nuk u përfshi në listën e bardhekaltërve për shkak të numrit të kufizuar të basketbollistëve të huaj.

Koshashënuesi më i mirë në ndeshje ishte spanjolli i Trepçës, Alvaro Calvo, që realizoi 19 pikë, një më shumë se amerikani i Prishtinës, Tay Waller.

Kjo ishte fitorja e 19-të e Sigal Prishtinës në kampionat, kurse Trepça me këtë humbje e humbi pozitën e tretë në tabelë, të cilën tani e mban Bashkimi.

Rezultatet dhe tabela aktuale.

Statistikat ekipore

	Sigal Prishtina	Trepça
Çereku i parë	30	14
Çereku i dytë	27	13
Çereku i tretë	18	17
Çereku i katërt	27	14
Kërcime	34	29
Asistime	33	10
Bllokada	1	1
Topa të vjedhur	11	1
Topa të humbur	8	18
Tentime për tre pikë	13/35	3/15
Tentime nga loja	40/74	22/58
Tentime nga gjuajtjet e lira	9/12	9/12

Statistikat individuale te Sigal Prishtina

1	Tay Waller	18 pikë	6 kërcime	5 asistime
2	Edmond Azemi	14 pikë	3 asistime	1 bllokadë
3	Kendrick Jones	12 pikë	6 kërcime	6 asistime
4	Muhamed Hasani	11 pikë	3 asistime	2 kërcime
5	Urim Zenelaj	8 pikë	5 kërcime
6	Granit Rugova	8 pikë	1 kërcim	1 asistim
7	Jamar Diggs	7 pikë	8 asistime	1 kërcim
8	Fisnik Rugova	7 pikë	3 kërcime	1 asistim
9	Aurimas Kieza	6 pikë	2 asistime	1 kërcim
10	Blerim Mazreku	6 pikë	5 asistime	3 kërcime
11	Alban Veseli	5 pikë	5 kërcime

Statistikat individuale te Trepça

1	Alvaro Calvo	19 pikë	7 kërcime	2 asistime
2	Fikret Handzic	12 pikë	7 kërcime	2 asistime
3	Besnik Azemi	8 pikë	3 kërcime	1 asistim
4	Korab Prekazi	6 pikë	4 kërcime
5	Hekuran Binxhija	5 pikë	2 asistime
6	Jan Orfila	4 pikë	5 kërcime
7	Arian Tahiri	2 pikë	2 kërcime	1 asistim