FERONIKELI - BASHKIMI
Fitore e lehtë për Bashkimin
7 March, 2020 @20:52
Pas fitores ndaj Prishtinës, skuadra e Bashkimit e mposhti edhe Feronikelin.
Djelmoshat e trajnerit Illmen Bajra nga fillimi e deri në fund e kontrolluan ndeshjen dhe e mposhtën kundërshtarin me rezultat 66-82.
Për fitoren e Bashkimit u kujdesuan tresha Corey Ross, Terik Bridgeman dhe Stevie Clark.
Ross luajti me 21 pikë, 5 kërcime e 5 asistime, Bridgeman me 20 pikë, 7 kërcime e 4 topa të rrëmbyer dhe Clark me 15 pikë, 6 kërcime, 4 asistime e 3 topa të rrëmbyer.
Te Nikli u dalluan Deyon Griffin me 31 pikë, 7 kërcime e 7 asistime dhe Ergin Grosha me 10 pikë e 9 kërcime.
Bashkimi aktualisht gjendet në pozitën e katërt me 15 fitore e 9 humbje, derisa Feronikeli në pozitën e tetë me 5 fitore e 19 humbje.
Në xhiron tjetër Bashkimi takohet me Lipjanin, kurse Feronikeli me Yllin.
