Fitore për vendin e tretë

Pa shumë probleme, skuadra e Yllit ka shënuar fitore në takimin e zhvilluar ndaj Pejës, fitore e cila ia mundëson skuadrës therandase ngjitjen në pozitën e tretë.

Skuadra vendase dominoi që nga fillimi i ndeshjes, ndërsa Peja në anën tjetër, e përbërë plotësisht nga lojtarë të rinj, u tregua e pafuqishme për ta befasuar skuadrën vendase.

Pas 40 minutave lojë, rezultati i takimit ishte 104-78.

TABELA AKTUALE SUPERLIGA

Më të dalluarit te Ylli sonte ishin Marvin Smith me 30 pikë, 9 kërcime e 1 asistim dhe Michael Harmon me 23 pikë, 3 kërcime e 7 asitime, derisa te Peja u veçuan Beqë Kovaqi me 34 pikë, 4 kërcime e 3 asistime dhe Rron Grapci me 15 pikë, 10 kërcime e 3 asistime.

Kjo fitore bën që Ylli tashmë të ketë bilanc 11-9, derisa Peja mbetet edhe më tutje në rrezik për rënie nga elita.