PETAR MIJOVIC - PAS NDESHJES
Petar Mijovic, duke drejtuar ekipin e Bashkimit/ BOROZANI/ D.S.
Fituam por…
18 January, 2016 @11:03
Bashkimi regjistroi fitoren e nëntë të stinorit mbrëmë ndaj Yllit në Suharekë, ndërsa trajneri i ekipit Petar Mijovic në një prononcim për Borozani.com ka thënë se ekipi i tij nuk duhet të rrezikojë kështu.
“Si zakonisht, në Suharekë është vështirë. Luajtëm mirë gjatë thuajse tërë pjesës së parë, ndërsa në disa momente arritëm epërsinë 20 pikëshe,” ka thënë ai fillimisht.
“Kishim një rënie të lojës në pjesën e dytë, gjë të cilën një ekip serioz nuk guxon ta lejojë. Në fund, edhe pse pas lojës jo të shkëlqyer, ne arritëm të shënojmë fitore,” ka përfunduar Mijovic deklaratën e tij për Borozani.com.
Bashkimi është aktualisht në pozitën e dytë në Superligë me bilanc 9-4 dhe ka fituar të trija ndeshjet ndaj Yllit këtë stinor.
Në xhiron e ardhshme Bashkimi pret Pejën e pamposhtur në Superligë në “Sezai Surroi” të Prizrenit.
