ROLAND GARROS 2018
Grand Slami i parë për rumunen
9 June, 2018 @17:40
Tenistja rumune, Simona Halep, duke fituar setin e dytë dhe të tretë ndaj amerikanes, Sloane Stephens, ka siguruar trofeun e parë të saj të një turneu Grand Slam, duke fituar në French Open 2-1 me sete pak më parë.
Halep, ishte në disavantazh pas setit të parë, të cilën e mori amerikania Stephens, 6-3.
Mirëpo, duke luftuar fortë në të dytin, rumunia barazoi shifrat në 1-1 duke e marë setin 6-4.
E seti i tretë dhe final i ndeshjes kaloi lehtë për rumunen 26 vjeçe, që fitoi 6-1, për të përgjithshmen 2-1.
Halep me këtë fitore ka shënuar Grand Slamin e parë në karrierë, ndërsa afër ishte në janar, kur u mposht në finale të Australian Open këtë vit.
