GRUPI A: GREQIA - POLONIA
Foto: fiba.com
Greqia mposht kundërshtarin e Kosovës dhe kualifikohet
6 September, 2017 @18:14
Në takimin vendimtar për vendin e katërt të Grupit A, Greqia e ka mposhtur Poloninë, kundërshtarin e Kosovës në kualifikimet drejt Kina2019, për të kaluar kështu në fazën play-off të EuroBasket2017.
Polonia ishte më e mirë vetëm në çerekun e parë, e më pas greket filluan ta kthenin ndeshjen në kahun e tyre, ndërsa goditjen finale ballkanasit e dhanë në çerekun e fundit, të cilin e mbyllën me 15 pikë më tepër se kundërshtari, për ta arritur kështu një fitore tejet të vlefshme me rezultat 95-77.
GRUPET DHE ORARI - EUROBASKET 2017
Me Poloninë që mbetet jashtë, Greqia në fazën tjetër të garës do të ndeshet me Lituaninë, që është gjithashtu kundërshtare e Kosovës në kualifikimet drejt Kina2019, kurse tri skuadrat e tjera që u kualifikuan nga Grupi A janë Sllovenia, Finlanda dhe Franca.
