TOP 10 PLAYERS
BOROZANI/Lis Dorambari
Hajrizi, lojtar i javës
3 November, 2015 @12:19
Performanca e shkëlqyer e Drilon Hajrizit në përballjen që ekipi i tij Peja, e fitoi ndaj Trepçës, ia ka dhënë atij epitetin e lojtarit më të mirë të xhiros së shkuar në Superligë, ka bërë të ditur Eurobasket.
Hajrizi përfundoi ndeshjen me 26 pikë, 9 kërcime dhe 7 asistime në fitoren 103-69 të Pejës ndaj ish ekipit të lojtarit në fjalë.
Pas tij në TOP 3 të lojtarëve janë futur edhe Yll Kaçaniku i Sigal Prishtinës që tregoi performancën e tij më të mirë prej se erdhi nga Turqia. Kaçaniku luajti me 23 pikë, 9 kërcime e 6 asistime në fitoren që bardhekaltërit e shënuan ndaj Yllit.
I treti në këtë listë është shqiptari Gerti Shima, që udhëhoqi Bashkimin në fitore ndaj Vëllaznimit në Gjakovë. Shima përfundoi ndeshjen me double-double prej 15 pikëve dhe 12 kërcimeve për të arritur në TOP 3 të javës.
Mëposhtë, shikoni të gjithë basketbollistët që me performancat e tyre individuale arritën të futen në dhjetëshen më të mirë të xhiros së shtatë në Superligë.
TOP 10 performancat e Xhiros VII (2015/16) në Superligë:
| 1 | Drilon HAJRIZI | KB Peja | ||
| 2 | Yll KAÇANIKU | KB Sigal Prishtina | ||
| 3 | Gerti SHIMA | KB Bashkimi | ||
| 4 | Nenad DELIC | KB Peja | ||
| 5 | Gëzim MORINA | KB Sigal Prishtina | ||
| 6 | Tre BUSSEY | KB Bashkimi | ||
| 7 | Kevin BURWELL | KB Peja | ||
| 8 | Blerim MAZREKU | KB Sigal Prishtina | ||
| 9 | Korab PREKAZI | KB Trepça | ||
| 10 | Roland DAVIS | KB Peja |
