I huaji i parë te Ylli

Skuadra e Yllit, sot ka zyrtarizuar të huajin e parë në skuadër.

Bëhet fjalë për lojtarin Anthony Adger.

Adger është i gjatë 185 cm, luan në pozitën e fundorit, derisa për transferimin e tij u shpreh:

“Jam shumë i emocionuar që do të jem pjesë e Yllit dhe tashmë mezi pres të vij dhe të fillojmë me stërvitje. Po pres të kem përvojë interesante këtë vit në Kosovë dhe të shoqërohem me bashkëlojtarët.”

Ylli deri më tani ka shtuar në skuadër lojtarët: Altin Morina, Arben Camaj, Samir Zekiqi e Valon Bunjaku.