TREPÇA (F)
Ibrahimi: Vështirësia e pritur, synojmë ngritjen sa më lartë
17 October, 2019 @14:34
Koshashënuesja më e mirë në humbjen e Trepçës ndaj Bashkimit, Melisa Ibrahimi, në një bisedë ekskluzive me TopSportin, ka thënë se e kanë pritur të jetë e vështirë ndeshja kundër Bashkimit.
“Ndeshjen kundër Bashkimit e kemi pritur që do ta kemi të vështirë, pasi që dihet investimi dhe përforcimet e skuadrës prizrenase.
Ndeshjen e filluam mirë ku pjesën e parë ishim thuajse të barabarta, por lëndimet e lojtareve në skuadër dukshëm janë duke ndikuar.
Është vetëm fillimi i stinorit dhe kemi një rrugë të gjatë deri në fund, duhet të vazhdojmë stërvitjet intensive dhe të përgatitemi maksimalisht për ndeshjet e radhës që të tregojmë rezultate të mira.”
Ibrahimi ka treguar edhe synimet e skuadrës mitrovicase.
“Synimet i kemi që të jemi pjesë e katër ekipeve më të mira dhe pastaj të luftojmë të ngritemi sa më lartë në tabelë.”
Trepça në xhiron e dytë në Ligën e Femrave do të përballet me Penzën.