NIKOLA
Ish lojtari i Prishtinës kalon te Teodo
14 September, 2015 @16:44
Skuadra e Teodos do ta ketë një tjetër emër të njohur, në përbërjen e saj për stinorin e ri.
Ekipi nga Mali i Zi ka nënshkruar me basketbollistin Nikola Vucurovic, i cili është i njohur për opinionin kosovar, pasi që në stinorin e kaluar ka qenë pjesë edhe e Sigal Prishtinës.
Me bardhekaltërit Vucurovic ka pasur tre paraqitje në Ligën Ballkanike, duke regjistruar mesatare prej 6 pikëve dhe 3 kërcimeve për ndeshje, ndërsa më pas ishte larguar nga skuadra për ta mundësuar transferimin e maqedonasit Bojan Trajkovski.
Vucurovic stinorin e kaluar kishte luajtur edhe për skuadrën rumune, Craiova, ndërsa gjatë stinorit 2013/14 ka qenë gjithashtu pjesë e Teodos.
