PLAY OFF: BASHKIMI (F) - KASTRIOTI (F)
Kampionet pa problem në ndeshjen e parë
5 April, 2019 @12:52
Kampionet aktuale të Ligës së Femrave, vajzat e Bashkimit, pa telashe e mposhtën Kastriotin me rezultat 89-41.
Vashat e Bashkimit, edhe pse e kishin avantazhin e terrenit, ndeshjen e luajtën në Ferizaj, pasi që palestra Sezai Surroi nuk kishte termin të përshtatshëm të lirë për zhvillimin e ndeshjes.
Më të dalluarat për skuadrën prizrenase ishin Danisha Shaw me 20 pikë, Mari Stewart me 16 pikë, Gresa Gashi me 10 pikë, Ulpiana Emra e Aulona Muhadri me 8 pikë dhe Sarra Vraniqi me 7 pikë.
Bashkimi tani është 1-0 në epërsi në seri, derisa ndeshja e dytë do të luhet në Prizren nesër në ora 16:00.
