PLAY OFF: FERONIKELI - ISTOGU
Një fitore larg finales
3 April, 2019 @20:45
Skuadra debutuese në Ligën e Parë, Feronikeli, është një fitore larg finales së Play Offit të Ligës së Parë.
Nikli e mposhti skuadrën e Istogut me rezultat 111-68.
Rezultati i ngushtë ishte vetëm në çerekun e parë (22-21 në favor të Feronikelit), derisa më pas skuadra nga Drenasi e kontrolloi ndeshjen deri në fund.
Koshashënuesit më të mirë te Feronikeli ishin Desmond Gattis me 27 pikë dhe Arti Hajdari me double-double prej 27 pikë e 10 kërcime e 5 asistime. U dallua edhe Mustafë Merovci me 20 pikë e 5 kërcime.
Te Istogu shkëlqeu Ardit Pepaj me 30 pikë, ndërsa u veçuan edhe Labinot Kelmendi me 14 pikë e Diamant Shabani me 12 pikë e 11 kërcime.
Ndeshja e dytë e serisë do të luhet të shtunën në ora 14:30 në Pejë.
