Kampioni siguron biletën e fundit

Në ndeshjen përcaktuese se kush do ta merr biletën e fundit për Play Off, nga dueli Real Madrid - Khimki, fitues doli kampioni aktual, skuadra spanjolle.

Real Madridi, ishte në epërsi gjatë gjithë ndeshjes, derisa e mposhti kundërshtarin me rezultat 83-70.

Jaycee Caroll u dallua më së shumti te Reali me 23 pikë të shënuara, derisa 24 pikët e Tyrese Rice, nuk mjaftuan për kualifikimin e Khimkit në fazën e radhës.

Kampioni aktual në Play Off, do të përballet me Fenerbahçen, që do të jetë një seri prej 5 ndeshjeve.