KBF BASHKIMI - KBF PENZA
TOPSPORTI / Arian Paçarizi
KBF Bashkimi e hap pjesën e dytë me fitore
23 January, 2021 @15:26
Vashat e Bashkimit e mposhtën Penzën me rezultat 85-74 dhe e hapën pjesën e dytë të sezonit me fitore.
Në 3 çerekët e parë, rezultati ishte i ngushtë, derisa Bashkimi e bëri dallimin në 10 minutëshin e fundit, duke pësuar 14 pikë e shënuar 22 në koshin e kundërshtares.
Le’Jzae Davidson shkëlqeu me 32 pikë, 3 asistime e 2 kërcime, derisa u ndihmua edhe nga Aisha Balarabe me 24 pikë, 17 kërcime e 4 asistime.
Te Penza Gabrielle Cooper në ndeshjen e parë të saj në Ligën e Femrave, luajti me 22 pikë, 11 kërcime, 5 topa të rrëmbyer e 4 asistime.
Kjo ishte fitorja tretë e Bashkimit kundër Penzës sivjet.
Bashkimi gjendet në krye të Ligës së Femrave me 10 fitore e 1 humbje, kurse Penza ka bilanc prej 5 fitoreve e 6 humbjeve në pozitën e katërt.
