BASHKIMI (F) - KASTRIOTI (F)
TOPSPORTI / Arian Paçarizi
KBF Bashkimi me rekord pikë deklason Kastriotin
15 November, 2020 @17:47
Një ndeshje tepër e lehtë për vashat e Bashkimit është luajtur sot në palestrën “Sezai Surroi” në Prizren kundër Kastriotit.
Bashkimi e deklasoi Kastriotin, duke e mposhtur me rezultat të thellë prej 116-42.
Vashat e Bashkimit e regjistruan shifrën më të lartë të pikëve deri më tani në një ndeshje pas 4 xhirove. Gjithashtu epërsia prej 74 pikëve është diferenca më e madhe deri më tani në Ligën e Femrave për sezonin 2020/21.
Arbnore Përquku me double-double prej 22 pikëve e 10 asitimeve ishte më e mira në parket për Bashkimin, derisa u ndihmua edhe nga Jaleesa Avery me 15 pikë e 10 kërcime dhe Marigona Rushiti me 14 pikë të tjera.
Te Kastrioti Amani Alexander me 17 pikë dhe Agnesa Rrahmani me 15 pikë ishin të vetmet që u dalluan por nuk mjaftuan për ndonjë befasi.
Bashkimi gjendet në krye të tabelës me 8 pikë sikurse Vëllaznimi, derisa Kastrioti është skuadra e vetme pa fitore deri më tani.
Në xhiron tjetër Bashkimi takohet me Vëllaznimin, kurse Kastrioti me Prishtinën.
