Kemi dëshmuar që kemi ekip të mirë

Para ndeshjes së nesërme që do të luhet në palestrën Karagaci ndërmjet Pejës dhe Sigal Prishtinës, ka folur basketbollisti i kësaj të fundit, Andrew Warren, i cili për faqen zyrtare të Federatës së Basketbollit të Kosovës tha skuadra e tij ka dëshmuar që është e fortë, derisa nesër gjithsesi pret që të jetë një ndeshje e fortë.

“Ne kemi ekip të mirë, tashmë e kemi dëshmuar një gjë të tillë. Megjithatë edhe kundërshtari është shumë i fortë, sidomos para publikut të vet. Do të jetë një ndeshje shumë e fortë, ne do të përpiqemi të fitojmë pavarësisht të gjitha fakteve që flasin në anën e Pejës,” tha Warren.

Rezultati aktual i serisë finale është 1-1, ndërsa kampion shpallet ajo skuadër e cila arrin e para tre fitore.