Kerasani eliminon Prishtinë e Re, pranë historisë

Kerasan Prishtinës i ka mbetur vetëm edhe një hap për të shkruar historinë e klubit dhe për të arritur në Final Four të Kupës së Kosovës.

Me fitoren e sotme ndaj Prishtinës së Re, 104-78, Kerasan Prishtina ka siguruar një vend në çerekfinale të Kupës së Kosovës.

Kerasani i drejtuar nga Dritëro Sefaja dominoi gjatë ndeshjes, derisa në çerek të parë kishin epërsi 7 pikëshe, 26-19, më pas epërsinë e ngritën 30-12 (çereku II) dhe 23-20 (çereku III) për të katërtën 25-27 dhe përfundimtaren 104-78.

Kjo fitore e çon Kerasan Prishtinën në tetë ekipet më të mira të sivjetshme në Kupë të Kosovës.

Pasi që Kupa e Kosovës deri në Final Four ka rrugën e qartë, Kerasan Prishtinën do ta pret bartësi i Grupit C, Rahoveci, në duelin që do të përcaktojë Final Fourin për njërën nga skuadrat.

Cilado që e arrin - do të jetë arritje historike për skuadrën në fjalë.