Krstic: Lojtarët luftuan dhe merituan fitoren

Trajneri i ri i Vëllaznimit, Vladimir Krstic, në deklaratën e dhënë pas ndeshjes ndaj Prizrenit ka thënë se basketbollistët e tij luftuan shumë dhe me meritë e arritën fitoren.

“I uroj fitoren lojtarëve të mi, sepse me të vërtetë kanë luftuar. I kam thënë edhe para ndeshjes, ne edhe mund të humbim lojën, por nëse nuk luftojmë për fitore atëherë ka problem. Besoj që e merituam fitoren, pasi që kontrolluam ndeshjen,” ka thënë Vladimir Krstic.

Krstic në fakt debutoi në këtë ndeshje te Vëllaznimi, që ditë më parë largoi nga detyra Josip Plantakun.