Lëndohet Dardan Berisha

Basketbollisti i Pejës, Dardan Berisha, ka pësuar një lëndim në çerekun e dytë të ndeshjes përballë Rahovecit që po zhvillohet në kuadër të gjysmëfinales së Ligës Unike në Durrës.

Berisha e lëndoi nyjen e këmbës së djathtë pas një depërtimi të tij dhe si rrjedhojë u detyrua të largohet nga loja në dy minutëshin e parë të çerekut të dytë.

Se sa është serioz lëndimi i Berishës pritet të mësohet në ndërkohë.