Llapi në disciplinore, pas ndeshjes me Lirinë

Komisioni i Garave (KG) të Federatës së Futbollit të Kosovës (FFK) ka regjistruar ndeshjet e çerekfinales së Kupës së Kosovës me rezultatet e arritura në fushë, ndërsa ndaj Llapit ka inicuar procedurë disciplinore pas ndeshjes me Lirinë.

Në njoftimin e botuar sot nga FFK-ja që mban nënshkrimin e KG-së shkruan se Llapit i janë inicuar procedurat disciplinore për dy raste.

“1. KF Llapi - motiv, lëshim në organizim të ndeshjes, fyerje dhe sharje të tifozëve vendas drejtuar mysafirëve në kor, ku u ndërpre edhe ndeshja për 2 minuta.

2. KF Llapi -  motiv, për shkak të papërgjegjësisë së disa personave-shikuesve, të cilët kanë hedhur gurë në drejtim të autobusit të tifozërisë mysafire ku janë thyer xhamat e autobusit, me konfirmim edhe të policisë së Kosovës, sipas raportit.” - janë arsyet e dhëna.