Lojë nervash në Prizren, Prishtina feston në fund

Sigal Prishtina e ka fituar derbin e javës XV në Superligë, duke e mposhtur në Prizren Bashkimin, në një ndeshje me rivalitet të fortë dhe me pak pikë.

Bardhekaltërit për herë të dytë brenda një jave, arritën ta mposhtin Bashkimin, pasi që ditë më parë i kishin mposhtur në kuadër të Ligës Ballkanike.

Kësaj radhe, përballja mes këtyre dy skuadrave ishte më e nxehtë, ndërsa në fund rezultati në semafor ishte 63-65 në të mirë të Sigal Prishtinës.

Mysafirët gati gjatë gjithë kohës kishin epërsinë, të cilën nuk arritën ta risin në më shumë se nëntë pikë, pasi që Bashkimi në asnjë çast nuk u shkëput nga loja.

Rreth 3 minuta para fundit, Bashkimi morri epërsinë me trepikëshin e Marko Popovicit, 60-59, por më pas Prishtina u kundërpërgjigj me pikët e shënuar nga Delic dhe Davis.

Vetëm 45 sekonda para fundit, Nikola Korac i Bashkimit i ngriti në këmbë të pranishmit me treshen e tij për ta barazuar rezultatin në 63-63, kurse sulmin e radhës të Prishtinës, Jabarie Hinds përsëri e riktheu epërsinë.

Në fund Bashkimi kishte rastin të fitojë, por tentimi për 3 pikë e Popovicit nuk ishte i saktë, derisa edhe Qëndrim Biraj dështoi për ta barazuar rezultatin.

Kayel Locke ishte koshashënuesi më i mirë i ndeshjes me 18 pikë, ndërsa atë e ndjekën Marko Popovic me 17 dhe Drilon Hajrizi me 16 pikë. Ndryshe nga këta dy të fundit, Locke kishte edhe 10 kërcime për të arritur shifrat në double-double.

TABELA AKUTALE

Kjo fitore e ngriti Sigal Prishtinën në krye të radhitjes tabelare, me 12 fitore e 2 humbje, derisa për Bashkimin kjo ishte humbja e tretë në Superligë.

BASHKIMI

SIGAL PRISHTINA