Lutz në Pejë!

Danijel Lutz, ish trajner i Cibonës me të cilët u shpall kampion i Kroacisë në stinorin 2012/13 nesër ose pasnesër do të arrijë në Pejë. 

Trajneri i cili ka vendosur të vazhdojë karrierën në Kosovë pas suksesit madhor në Kroaci (pasi që Cibona nuk llogaritej si favorit për të fituar kurorën e dyfishtë) brenda javës vjen në Kosovë për të diskutuar çështjet dhe strukturat ekipore të skuadrës së tij të re, ka njoftuar kryetari i klubit pejan, Art Gashi. 

Lutz i cili do të ketë punë të madhe në komponimin e ekipit, pas largimit të lojtarëve si Dardan Berisha, Alban Veseli dhe Blerim Mazreku, do të bisedojë me krerët e klubit edhe për përforcimet e mundshme të huaja nga klubi. 

Peja deri më tani është përforcuar me dy basketbollistë: Drilon Hajrizin (basketbollistin më të mirë të vitit 2012 në Kosovë); dhe Endrit Hysenagollin (Qendrën e kombëtares shqiptare, që u shpall kampion i Shqipërisë me Kamzën). Ndërkohë nga skuadra kampione e stinorit të kaluar janë larguar amerikanët: Cyril Awere dhe Harouna Moutombo; si dhe vendorët: Dardan Berisha, Alban Veseli e Blerim Mazreku (të gjithë kanë kaluar në Sigal Prishtinë).