Malta për 6 pikë më e mirë se Kosova

Pas humbjes së djeshme ndaj Gjeorgjisë, Përfaqësuesja e femrave të Kosovës U18 është mposhtur edhe në takimin e dytë ndaj Maltës.

Vajzat nga Kosova zhvilluan një çerek të dytë shumë të mirë, të cilin e mbyllën me shifrat 17-9, mirëpo Përfaqësuesja nga Malta fitoren e arriti pas paraqitjes fenomenale në çerekun e tretë, çerek në të cilin ata shënuan 19 pikë dhe pranuan vetëm 9.

Më të dalluarat për përfaqësuesen e Kosovës ishin Flaka Kelmendi dhe Aulona Muhadri, me 15, respektivisht 13 pikë. Gjithashtu, Flaka pati edhe 16 kërcime, ndërsa Aulona 14.

Pas dy humbjeve, gjasat e Kosovës për kualifikim ‘minimizohen’, ndërsa ndeshja e tretë luhet nesër ndaj Gjibraltarit.