Me atomin e fundit, fitorja e dytë radhazi

Kosova ka shënuar edhe fitoren e dytë radhazi në parakualifikime për Kampionatin Botëror 2023 nga zona evropiane, duke e mposhtur falë lojës më të mirë në çerek të fundit, Luksemburgun, 80-84 [20-25, 25-19, 20-16, 15-24]. 

Ndeshja ka qenë sa dramatike, aq edhe interesante, kurse në momentet e fundit vërehej edhe lodhja nga angazhimi i jashtëzakonshëm i basketbollistëve të drejtuar nga Christos Marmarinos për arritjen e fitores së dytë.

Drilon Hajrizi ka shkëlqyer te Kosova edhe në këtë ndeshje. Mitrovicasi shënoi 25 pikë, 7 kërcime e 4 asistime në fitore. Erjon Kastrati si gjithmonë, me qetësinë e tij 19 pikë tjera për Kosovën në fitore, bashkë me 3 asistime, kurse Gëzim Morina dha 13 pikë.

E Luksemburgut, 30 pikët e Clancy Ruggut, nuk ndihmuan as në këtë ndeshje.

Pas kësaj fitoreje Kosova ka bilans 2-0 në Grupin B parakualifikues. Më vonë luhet ndeshja tjetër e grupit Islanda - Sllovakia.

TABELA AKTUALE:

1. Kosova 2-0
2. Sllovakia 1-0
3. Islanda 0-1
4. Luksemburgu 0-2.