SHQIPËRIA - QIPRO
Moore i jep fitoren dramatike Shqipërisë
23 February, 2020 @18:47
Në minutën e fundit të ndeshjes pranë rezultatit të barabartë 64-64, amerikani i natyralizuar i Shqipërisë, Dallas Moore futet në lojë për të shënuar treshen që çliron kuqezinjtë e Afrim Bilallit nga presioni dhe pas mbrojtjes së mirë në sulm të fundit të qipriotëve, Moore asiston te Endrit Hysenagolli që praktisht fiton ndeshjen, ku shqiponjat arrijnë fitoren e parë të tyre në Grupin A, duke mposhtur Qipron 71-64.
Moore ka qenë edhe më efikasi te Shqipëria duke shënuar 20 pikë, ndërsa u dallua mjaft edhe Celis Taflaj me 18 pikë e 7 kërcime, kurse Endrit Hysenagolli si zakonisht me double-double prej 13 pikësh e 11 kërcimesh.
Kjo qe fitorja e parë e Shqipërisë në Grupin A parakualifikues për Botërorin 2023 dhe tash derisa të nisin duelet tjera kuqezinjtë e Bilallit shkojnë në pushim me bilans 1-1 pas dy ndeshjeve të para kualifikuese.