MACCABI - REAL MADRID
Me triller, i kthehen fitores pas 3 humbjeve
30 January, 2020 @22:39
Skuadra mbretërore Real Madrid pas tre humbjeve në Euroligë ka gjetur fitoren, Los Blancos mposhtën Maccabi Tel Aviv me rezultat te ngushtë 77:81.
Figura kryesore në fund të ndeshjes ishte argjentinasi Facundo Campazzo i cili i shënoi të gjitha pikët për mysafirët në minutën e fundit, derisa edhe në një rast e humbi topin ku vendasit shënuan 3 pikë duke e afruar epërsin në vetëm në dy pikë në minutën e fundit të ndeshjes.
Campazzo e përfundoi ndeshjen me 11 pikë, derisa më efikasi te madrilenët ishte Anthony Randolph me 19 pikë.
Te vendasit lojtari më në formë ishte Scottie Wilbekin me 21 pikë, njëherazi i vetmi me pikë dyshifrore te Maccabi.
Pas kësaj fitore spanjollët kanë 16 fitore dhe 6 humbje, kurse izraelitët kane 14 fitore dhe 8 humbje.