Ndërrohen topat

Ndeshjet e ETC Superligës dhe e ligave të tjera të organizuara nga FBK, në stinorin 2013/14 do të luhen me topat e markës Spalding. Kështu ka vendosur Bordi i Federatës së Basketbollit të Kosovës në mbledhjen e fundit të saj më 21 shtator, ndërsa si arsyetim është treguar oferta më e volitshme financiare e firmës Spalding.

Sipas njoftimit nga FBK, kjo e fundit do të sigurojë të gjitha klubeve garuese nga një top të markës Spalding falas për çdo dy topa të blerë nga to, ndërsa kjo ofertë do të vlejë deri më 15 tetor.

Ndeshjet e organizuara deri më tani nga FBK, janë zhvilluar me topat e markës Molten.