GAME 1: RAHOVECI - PRIZRENI
Ndeshja dy ditëshe përfundon në mënyrë dramatike
17 April, 2019 @20:03
Ndeshja ndërmjet Rahovecit dhe Prizrenit që u ndërpre dje për shkak të problemeve me konstruksionin e koshit në palestrën “Mizahir Isma”, sot përfundoi me fitoren e Prizrenit me rezultat 70-71.
Elliott Cole u bë heroi i ndeshjes. Kur rezultati ishte 70-68 në të mirë të vendasve, Cole në sekondat e fundit mori lojën në dorë dhe 3 sekonda para përfundimit të ndeshjes shënoi nga vija e treshit, për t’ia sjellë fitoren historike të Prizrenit në Play Off, pasi që për këtë skuadër kjo është pjesëmarrja e parë në Play Off.
Koshashënuesi më i mirë te Prizreni ishte Brandon Scott me 19 pikë, derisa u ndihmua edhe nga Malcolm Canada me 16 pikë, kurse ylli i ndeshjes Elliott Cole luajti me 9 pikë.
Te Rahoveci u dalluan Frederick Richardson me 18 pikë dhe Deshon Minnis me 17 pikë e 16 kërcime.
Kjo ishte fitorja e parë në e Play Offit për Prizrenin në histori të klubit, derisa ndeshja e dytë e serisë do të luhet në Prizren.
