GAME 3: NUGGETS - LAKERS
Nuggets ngushton epërsinë, rriten shpresat
23 September, 2020 @9:35
Skuadra e Denver Nuggetsit nuk u dorëzua ndaj Los Angeles Lakers.
Në ndeshjen e tretë të serisë finale të Konferencës Perëndimore, Nuggets e mposhti kundërshtarin me rezultat 114-106.
Për dallim nga dy ndeshjet e para, lojtarët e Denverit ishin më të fokusuar për fitore dhe e arritën qëllimin në fund.
Ylli i Denverit Jamal Murray përsëri ishte në skenë. Ai shkëlqeu me 28 pikë, 12 asistime e 8 kërcime, derisa u ndihmua edhe nga Jerami Grant me 26 pikë dhe Nikola Jokic me 22 pikë e 10 kërcime.
Te Lakers super ylli LeBron James luajti me shifrat magjike triple-double prej 30 pikëve, 11 asistime e 10 kërcimeve, por nuk mjaftoi për fitore.
Rezultati në këtë seri është 2-1 në favor të Lakersave. Ndeshja e katërt do të luhet më 25 shtator në ora 03:00.
