LIGA E KAMPIONËVE - TOP 16
Nymburku i Dardanit në vazon e dytë
8 February, 2018 @14:18
Skuadra e Dardan Berishës, Nymburk, është vendosur në vazon e dytë në Ligën e Kampionëve të basketbollit, para shortit të së tetës së finales.
Tashmë, pas përfundimit të fazës grupore, ekipet e Ligës së Kampionëve do të kërkojnë biletë për çerekfinale në duelet ku janë 16 skuadra nga tetë shtete.
Gjermania dhe Turqia dominojnë me nga tre ekipet të kualifikuara në TOP 16, ndërsa pas tyre Greqia dhe Spanja me nga dy.
Ndeshjet e para të së tetës së finales luhen më 6-7 mars, ndërsa ato të kthimit më 13-14 mars. Shorti i së tetës së finales tërhiqet më 14 shkurt.
EKIPET E TOP 16, sipas ALFABETIT:
| AEK (GRE), AS Monaco (FRA), Banvit (TUR), Besiktas Sompo Japan (TUR), CEZ Nymburk (CZE), EWE Baskets Oldenburg (GER), Iberostar Tenerife (ESP), medi Bayreuth (GER), MHP Riesen Ludwigsburg (GER), Nanterre 92 (FRA), Neptunas Klaipeda (LTU), PAOK (GRE), Pinar Karsiyaka (TUR), SIG Strasbourg (FRA), Stelmet Enea Zielona Gora (POL) and UCAM Murcia (ESP). |
