CAVS - T'WOLVES
Foto: nba.com
James shpëton Cavsët nga humbja
8 February, 2018 @9:28
Super ylli i Cleveland Cavaliersit, LeBron James, sot në ndeshjen kundër Minnesota Timberwolves, ka dhuruar spektakël.
Ndeshja ishte e ngushtë në rezultat, e në sekondat e fundit të ndeshjes LeBron James e kishte topin për ta përfunduar ndeshjen, por nuk shënoi dhe ndeshja shkoi në vazhdime.
Në vazhdime, Jamesi ishte i pandalshëm. Përsëri në sekondat e fundit, kur rezultati ishte i barabartë, LeBroni kësaj radhe nuk gaboi dhe ia solli fitoren skuadrës me rezultat 140-138.
LeBron James, në këtë ndeshje shkëlqeu me triple-double 37 pikë, 15 asistime e 10 kërcime, derisa gjashtë lojtarë të tjerë arritën të shënonin pikë dyshifrore, gjë që nuk ndodhte në ndeshjet e fundit te Cavs.
Te Minnesota, më të dalluarit ishin Jimmy Butler me 35 pikë, 6 asistime e 5 kërcime dhe Karl Anthony Towns me 30 pikë e 10 kërcime.
Kjo ishte fitorja e 31-të e Clevelandit, krahas 22 humbjeve që i kanë dhe gjenden në pozitën e tretë në Konferencën Lindore.
